بلدنا لسه فيها الخير

طول ما الفرن مولع ناره
والصحفي بيكتب فى مقاله
والترزي بيلضم فى زراره
والأستاذ ماسك الطباشير
طول ما البنا بيبنى يعلى
والطالب فى دراسته تملى
فى ناس فى كنايس بتصلى
فى ناس بتلبى التكبير
ماتقولش بلدنا مافيهاش خير...
ماتقولش بلدنا مافيهاش خير
فيها كل الخير...
فيها كل الخير
طول ما التاجر وسط تجارته
والعسكرى واقف فى إشارته
والعامل بيأدى رسالته
ويخدم بلده بدون تفكير
طول ما الفلاح جوه غيطانه
والرسام ماسك ألوانه
والفنان بيعزف ألحانه
والشيخ بيرتل ترتيل
ماتقولش بلدنا مافيهاش خير...
ماتقولش بلدنا مافيهاش خير
فيها كل الخير
طول ما الشعب ويا الجيش
ضروري الشعب دا هيعيش
بحريه ووطنيه
نسايم كلها تحرير
بلدنا والله فيها الخير
وياشرطتنا ضمينا
وهاتى ايديكى ف ايدينا
نعلي مصر
بعزه ونصر
وكل ضمير
بلدنا لسه فيها الخير
ويا مسيحي ويا مسلم
توحدكم ضروري مهم
ولجل الخير لمصر يعم
تعيش الوحده حرب وسلم
دا شعب بلادي حر كبير
بلدنا لسه فيها الخير
وكنيستنا ومسجدنا
هنا نصونهم هنا بايدنا
نصد عدو يهددنا
ونحفظ مصر وبلادنا
بدون تخريب ودون تكسير
بلدنا لسه فيها الخير
بلدنا لسه فيها الخير
بلدنا لسه فيها الخير