رساله من مبارك لشعب مصر

انا الزعيم الكبره

وحليوه آخر منظره

ما اعرفشي غير نفسي وحاشيه

وحقيقي ليا مقدره

ما انا الزعيم الكبره

عزبة مصر دي تكيه ورثتها

والعدل في وجودي انتهي

انا الزعيم وانا البطل

وكل حاجه عملتها

في الكدب أو في الفشخره

ما انا الزعيم الكبره

والبلطجيه دول بتوعي كلهم

وياما انا أكلتهم

وياما انا شربتهم

وياما فى كل البلاوي

بالرشاوي عرفتهم

من الأمام أو من ورا

آنا الزعيم والكبره

ثورة ايه ياشعب مصر

هو بعد اليئس صبر

ياما سيفى كان على رقابكم حكم

والنهارده ياشعب ناكر التقيتني متهم

كان زمان عهدي وتلفيق التهم

كل شعبي كان يقولي أكيد نعم

وبالمواجهه أو الدرا

أنا الزعيم الكبره

فاكرين خلاص هتعيشوا في الحريه

دي هوجه زايفه وراجعه تاني البلطجيه

اما عن كل المحاكم يابشر

صدقوني دي لعبه شكل المسرحيه

والخيبه جايه مقدره

وآنا الزعيم الكبره

مين اللي عامل حر ييجي يشوف تاريخي

تزوير هنا تلفيق هنا طباخ أنا ياجمال طبيخي

30 سنه وكنت انا

حاكم عليكم في مزله ومفخره

وانا الزعيم والكبره

مين اللي عامل شوشره

وانا زعيم وكبره

انا زعيم وكبره

اهدوا عليا روقوا

وبلاش كتير تتريقوا

الدنيا ضايعه بعد مني تصدقوا

وبكره جاي يرمي فوق راسكم خ ر ه

وأنا الزعيم الكبره

اهداء من الطاغيه المخلوع لشعب مصر ( المستكين )

.

من طرف احمد محمود الجمعة سبتمبر 16, 2011 4:08 am

رساله من مبارك لشعب مصر

رساله من مبارك لشعب مصر

رد: رساله من مبارك لشعب مصر