قبل وبعد الزواج

قبل الزواج:

الشاب خارج من الجيم علي اقرب بوتيك.... يشتري دبدوب روز ويمنح البائع بقشيش محترم ........ يوقف تاكسي ويعطيه عنوان كافيه محترم......... أول ما يوصل يلاقي خطيبته ذات البدي الروز برضه والجيب الأبيض مستنياه ....... وهي كمان مغلفة هدية( غالبا ساعة يد او ولاعة) ......... وبكل حب يتبادلا الهدايا...... ثم يسألها برقة ؛ تشربي ايه
فترد برقة وكسوف: شوب مانجة حتت
فيبلع صدمته ويطلب هو كمان مانجة

بعد الزواج:

نفس الشاب راجع من الشغل ضارب نضارة قعر كوباية وكرشه متريين قدام تحت كتفه بطيخة وتحت الكتف التاني جرنان المساء........ يفتح الباب بالشلوط بعد ما أتبهدل في الاتوبيس......... فيجد في انتظاره نفس الفتاة لابسة جلابية خضرة تحتيها منطلون ترينج اصفر وربطه شعرها المنكوش بأيشارب برتقاني
يصرخ الزوج: ايه المنظر ده؟
تصرخ الزوجة بدورها: فين كيلو الجبنة البراميلي
ـ براميلي؟...... لسه ماقبضتش
ـ نعم يا خويا ....... وعيالك ياكلوا ايه بقي ان شاء الله..... وربنا لنا سايبالكم البيت ورايحة بيت اهلي.... واولع انت وولادك ان شاالله تاكلوا بعض
ـ السكة اللي تودي .... بس ياريت تسيبي المنطلون بتاعي اللي سيادتك لابسه :