تحيه كبيره لشباب الباجور

الساده
المجلس الأعلى للقوات المسلحه
رئيس مجلس الوزراء
محافظ المنوفيه
رئيس مجلس مدينة الباجور
كل المسئولين المحترمين في مصر وعن إنتشار العدل والعداله في مصر
سؤال هام وموجه وحيوي ومكرر
أكرر
سؤال مكرر
هل كمال الشازلي فوق الحساب حتى بعد رحيله ؟
في تحدي سافر وساخر ما زال على ترعة الباجوريه وهو من المفروض مايسمى ( حرم البحر )
وضع يده عليه كمال الشازلي وهو كان نائب الباجور وطبعا أيام عصر السلطه والمهلبيه !
ولكن هل للآن عصر السلطه والمهلبيه مازال موجود حتى بعد قيام ثورة شعب كامل ؟
المكان الموضوع عليه أسوار حديديه كان متنفس للأهالي في أيام الصيف ولو كان مواطن بسيط عمل مجرد
( عشه ) لقامت وهاجت وماجت الدنيا وإنقلبت فوقه وربما يهدمونها عليه لكن عندما يكون مسئول في مصر تكون الأمور على طريقة ( كوسه وفاصوليا ومسقعه وزادت المهلبيه أيضا )
خصوصا لو كان عملاق فساد وشر وظلم مثل كمال الشازلي وأعوانه
حرام الكيل بمكيالين أكرر حرام الكيل بمكيالين .. على المنتدى هنا وفى بابي الخاص
قمت وأعلنت ووجهت وخاطبت محافظ المنوفيه ورئيس مجلس المدينه ولكنهما لا يهمهما غير كراسيهم فقط على ما يبدوا وطظ فى العدل وتغور العداله وطالما كمال الشازلي حتى لو غلطان دا مش المهم لأنوا كبره وبركه وكبير ورمز طبعا رمز وطبعا كبره وطبعا كبير
وطبعا فاسد ومزور ومرتشي ومش بقول الكلام دا النهارده سواء بعد موتوا او بعد الثوره لا الكلام دا قلتوا علني ووقتها وبحكم سلطتوا وصلني أمن الدوله
النهارده بقى عمالين وسامعين عن عدل وعداله وفين مش عارف يمكن فى بلاد غير دي ولا فين مش فاهم ؟
ياترى التحدي اللي مازال موجود وعلني دا مين وراه ولصالح مين ؟

تحيه الى شباب الباجور ( العواطليه ) عارفين ليه قلت كلمة عواطليه
عشان بمجهودهم الزاتي شافوا كلامى هنا على المنتدى وقاموا بعمل أكشاك لأكل العيش أسفل الكوبري طالما البهوات الأفاضل محافظ المنوفيه ورئيس مجلس مدينة الباجور خرص وطرش وعمي أنا بوجه تحيه علنيه للشباب دا حتى لو كان الفكر غلط انما يعملوا ايه ؟ ويروحوا فين ؟ وليه محافظ المنوفيه ساكت ؟ وفين رئيس مجلس مدينة الباجور اللي مش مقتنع بيه أصلا ولا حاسس بوجودوا ولا شايف لوا أي إنجازات أصلا وكأنوا لسه عايش فى زمن البلوظه أو على ما يبدوا فى وادي تاني ومالوش دعوه بحد ..
بكرر وبأكد التحيه أصل خلاص الكيل طفح والشباب مش لاقيين الرغيف والمسؤلين ( أموات ) والله أموات عشان دول لو كانوا أحياء بيعقلوا وبيفهموا وبيقدروا الأمور صح كان تم عمل أكشاك فورا أو على الأٌل تم توزيع أسفل الكوبرى بمساحة 2 متر في 2 متر لكل خريج عاطل انفرم وانطحن وأهلوا إندينوا عليه علشان يعلموه وفي الأخر مكانوا القهوه !
يامحافظ المنوفيه راعي ربنا .. يارئيس مجلس مدينة الباجور إتقي الله
وكفايه بقى نوم وكسل وشلل أنا مش عارف إنتم مسؤلين على ايه بالظبط
ياترى على كراسيكم ولا على حقوق ناس غلابه ولا على ايه بالظبط
بخاطب المجلس الأعلى للقوات المسلحه التدخل وعدم هدم الأكشاك دى علشان مش تحصل كوارث وانفلاتات أمنيه أنا مواطن من الباجور والشباب خلاص فاض بيهم الكيل شايفين وعود عمال على بطال ومش لاقيين الرغيف بكرر مش لاقيين الرغيف
طيب يعملوا اشكاك ويشتغلوا ولا يسرقوا وينهبوا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وطالما عملوا الاكشاك دي يتم عمل تراخيص ليها واهو نحد من مشاكل البطاله وبجد مليون شكر للشباب اللي فهم وفكر وعمر فكري طالما محافظ المنوفيه مالوش دعوه ورئيس مجلس مدينة الباجور نايم زى أهل الكهف
يارب حد يكون بيفهم ويرد عليا
مواطن من الغلابه فى الباجور

ملحوظه هامه ومهمه ونسيتها

السور موجود
يعنى لا متخبى ولا متنكر
بس نفسي اعرف
ام العدل والعداله اللى صدعونا بيهم فيييييييييييييييييين


وهل ياترى لو مواطن بسيط وغلبان من اهالينا العاديين كان الموضوع سكتوا عليه كده
ياعالم راعوا ربنا بقا
عايز عدل ع الكل
او ظلم ع الكل
انما بلوظه وكوسه وسبانخ
هيوصل للانفجار
والانفجار بيبدء من موقف صغيرررر
راعوا ربنا فينا
راعوا ربنا فينا
راعوا ربنا فينا

اللهم بلغت اللهم فاشهد

ياريت كمان يتم فتح ملفات قرايب كمال الشازلي واعوانوا وحاشيتوا وكل اللى كانوا حاوليه بيكبشوا ويهبشوا ويسفوا ويهبروا
وعلى كل حال مش هبطل كتابه لاخر يوم في عمري
لازم حقوق البلد ترجع للبلد
ولازم الاموال المنهوبه والمسروقه تعم على الغلابه
وكفايه اوى انوا اكتر من 40 سنه كان عايش فى خير ونعيم وعز وفتونه وبلطجه وتزوير وخصوصا فى وقت اخر رئيس كان شامم نفسوا أوي وعايش الدور على الآخر وسبحان الله دلوقتى بتتحقق توقعاتى وكأنى كنت على سباق مع الزمن لما كنت بقول كمال الشازلي لص ومزور وحرامى وأفسد المناخ السياسي في الباجور واعتدى ونهب وسلب وخرب ومش بس كده وصلت البجاحه اللي أقرب للوقاحه انوا كان بينسى روحوا وينسى تاريخوا الملوث وينسى هو مين وابن مين وتاريخوا ايه
واهى دي النهايه
طلع حرامي زى عشرات وعشرات الحراميه واللصوص والمزورين والمفسدين
حسبي الله ونعم الوكيل
انت المنتقم العدل يارب
انت المنتقم العدل يارب
انت المنتقم العدل يارب