طلعت بيه السادات والنبي الله يخليك

عرض موقع الحق والضلال أكبر موقع قبطي على الانترنت جزء من اللقاء المثير مع النائب السابق طلعت السادات، على قناة "الطريق " المسيحية والتي تبث على القمر الصناعي الاوروبي فقط.

وتذكر مواقفه في مناقشات جلسات مجلس الشعب عندما كان يستشهد بالقرآن ويلقى الهجوم الحاد.

مما اضطروه لتغيير الاتجاه وأستشهد بأنجيل "متى" وكان يفهمه المسيحيون لكن المسلمين لم يفهموا شيء.

وطالب نائب مجلس الشعب السابق طلعت السادات في لقاءه مع قناة الطريق الفضائية بالعدالة في محاكمة الرئيس السابق محمد حسني مبارك مستشهدا بالقرأن والأنجيل ودور العدالة كمطلب إلهي.

وانتقد السادات حملة تشويه الرئيس السابق بقلة الادب وضروة الابتعاد عن الشتائم لرجل يتعدى عمره 80 عاما ومريض مؤكدا إحترامه الرئيس السابق لما له من تاريخ عسكري مشرف لكل المصريين في حرب اكتوبر بالاضافة الى عدم هروبه هو وعائلته.

ويعتقد السادات ان محاكمة مبارك جائزة ولكن بعيدا عن السجن ويرى ضرورة ان يظل في المستشفى الى ان يأتي اجله، موجها حديثه للجميع بأن المسامح كريم لكن في حدود القانون والعدالة.

واستكمل السادات حديثه، قائلا : "لو كان حسني مبارك اتبع اضعف الايمان كلام يسوع عليه السلام كان هايكمل صح.. لو الدينونة اللي كان مؤمن بيها صحيحة .. كان الوضع اتغير، لكن زي ماقال يسوع : بالدينونة التي بها تدينون تدانون وبالكيل الذي به تكيلون يكال لكم.. وهوا كان بيكيل غلط ".

وفي جزء اخر من اللقاء، عبر السادات عن تأثره بالرموز الدينية مثل النبي محمد "عليه الصلاة والسلام" و الخليفة عمر بن عبد العزيز ،وايضا بالبابا كيرلس السادس، متمنيا عودة دولة العلم والايمان، قائلا : " نفسي ان المسلمين والمسيحيين يتقوا ربنا بحق وحقيقي .. دا يروح الجامع بتاعه و دا يروح كنيسته و في الاخر كلنا موحدين بالله .. ايه المشكلة ؟!






انا مش فاهم ياطلعت بيه انت سيادتك عايز ايه تاني ؟
النظام القديم وسقط
والبلد حالها لا يسر عدو ولا حبيب
والناس دلوقتى تايهين ومشتتين
البلد محتاج حب والحب مش بالتصريحات ولا بالشعارات ولا بالاغاني الحب يا طلعت بيه بيكون بالعمل وبتحفيز الناس على العمل وبتوحيد الشعب للصالح العام وبمقاومة أي خارج عن الشرعيه وبمقاومة البلطجيه اللي اصبحوا خطر على الامن العام والخاص
ياطلعت بيه الله يخليك كفايه اوي كده
انت ورشحت روحك للحزب الساقط وجاي دلوقتي تتكلم تاني وتصرح تاني
انت عايز ايه تانى ؟
ياعالم ارحمونا وراعوا ربنا بقى
ياساتر يارب