عفوا محمود معروف جوزيه أفضل من تصريحاتك

لم يفلت المدير الفنى للنادى الاهلى " مانويل جوزية " من سموم " الاعلامى الحاقد على النادى الاهلى " محمود معروف " و هذة المره وصف المدير الفنى للنادى الاهلى بأنة محظوظ و ان الوداد هو الذى كشفة .

و هاجم مانويل جوزية عندما كان مدربا لنادى الاتحاد السعودى قائلا : عندما تعادل اتحاد جدة السعودى 8 مباريات متتالية ولم يحقق فوزا واحدا خلالها سألوا جوزيه انت عارف بيتكم فى البرتغال؟ خد أول طيارة وارجع بلدكم وانفد بجلدك يا مدرب يا فاشل.ز حدث هذا بعد أن طردوه من انجولا ولم يجد مأوى يأويه إلا النادى الأهلى بجماهيره التى تلعب 40% من انتصاراته!!

و رجع و اصفا جوزية بأن الجمهور هو السبب فى أنتصارات الفريق و انه كفتجى و محظوظ و اوضح أن تعليماته لمدافعى الاهلى اضرب وشلت بالكوع والشلاليت والحكام معانا متخافوش

طيب دي وجهة نظر الفاضل الناقد الرياضي محمود معروف اللي المفروض يكون قدوه ومثل في تعبيراته وخصوصا انوا ناقد رياضي يعنى الاخلاق اولا

احب اضيف شئ بسيط وأقول للناقد الكبير محمود معروف

من اللباقه لما تتكلم عن مدرب يخص النادي الاهلي تعرف انت قدرك وقدر ناديك ايه ؟ وكمان لو فرضنا ان تصريحاتك الهمبكيه واللي لا تغني ولا تسمن من جوع صح ياترى فريقك عمل ايه مع مدربه العصبي ؟

مش هنزل لمستواك الفكري واهاجمك وارد عليك بنفس طريقتك ( الغوغائيه ) لا لا لا

النادي الاهلي علمنا القيم

علمنا التحضر

علمنا أصول وأدب اللباقه فى الحوار

علمنا نحترم الغير من المنافسين ( بس المحترمين )

وياريت يا أستاذ محمود يا راجل يا كبير السن والثقافه تعمل وصفه لنادي الزمالك ازاي ياخدوا بطوله يفرحوا بيها جماهيرهم الوفيه المحترمه وبكرر دون نفاق او رياء وبرغم اني اهلاوي جدا بس مش متعصب او متخلف او احمق او غبي او غوغائي ( جماهير الزمالك بأمانه تستحق أفضل جمهور في مصر )

دا مش تقليل لجمهور النادي الاهلي لاني بعفي جماهير النادي الاهلى من اى مقارنات ولكن لأن جمهور الزمالك فعلا اتحمل كل حاجه ورا فريق مش من ولاد النادى ولا عندهم وفاء للنادي لاعيبه بيدوروا على الفلوس وبس ومدربين مقدما بيدوروا على شماعات فشلهم

ياعم محمود سيبك من كل الحقد دا وحاول تكون افضل من كده عيب عليك وانت المفروض سن وثقافه راجل كبير انك تهاجم مدرب أثبتت كل التجارب انوا ناجح مع النادى الاهلى وكفايه ارقام بطولاتوا وسواء بقى بالجمهور او باللاعبين المهم المدير الفني مين ما هو بردوا المدير الفني عضو من نجاح الفريق ولا ايه ياعم محمود ؟

بالله عليك يا راجل كفايه حقد بقى على كل ما يخص النادى الاهلى وحاول تشوف وصفه للنجاح مع فريقك الزمالك لان بصراحه شكلك بقى وحش جداااااااااااااااااااااااااااااااااااا

عفوا محمود معروف جوزيه أكبر من تصريحاتك