ندعوا لرجوع أموال مصر ولكن ؟؟؟؟؟؟؟؟؟

كانت ثورة 25 يناير انتفاضه شرعيه وعادله ضد فساد انتشر وتوغل وترهل فى كل ومعظم وغالبية أحوال بلادنا الحبيبه حتى تم إسقاط رأس النظام وغالبية من معه ولكن لايزال هناك جهات حتى الآن لا أعرف لما لايتم إسقاطها وتغييرها حتى نشعر بالفعل أن التغييرات والتطهيرات حدثت من ما يسى ( الحزن الوطنى الفاسد )

أو بمسماه الحزب الوطنى الديمقراطى ( الفاااااااااااااااااااااااااااااااشل )

فى جمهورية الباجور منوفيه لا يزال الوضع على ما هو عليه اللهم غير تغيير لوحة قسم الشرطه من الشرطه والشعب فى خدمة الوطن الى عودتها الى سابق عهدها القديم

الشرطه في خدمة الوطن ..

على الورق وبكل الحسابات رحل كمال الشاذلى أحد أبرز أعضاء هذا الحزب المخلوع ولكن السؤال الذى يطرح نفسه وبشده هل برحيله يتم إعفاؤه من الحساب والمحاسبه في أشخاص ورثته ؟

لا زالت فى مدينة الباجور منوفيه أسوار على البحر لقطعة أرض من المفترض أنها ملك للحكومه أو على أقل تقدير متنفس للناس في الصيف ولكن وبكل إستفزاز وعناد لا زالت الأسوار قائمه إعلانا بملكية ورثة كمال الشاذلى لهذه الأرض !

السؤال الذى يطرح نفسه معقد وشائك لكل الجهات المسؤله :

هل بموت وزير سابق أو مسؤل سابق تسقط عنه المحاسبه في وجود ورثته على طريقة من أين لكم هذا ؟

هل ما يسمى ( طرح البحر أو حرم البحر أو حدود البحر ) تكون ملكية وزير أو مسؤل أو ما شابه بإسلوب ( وضع اليد !!!!! )

الثوره تكون سبب ضد الظلم والقمع والفساد وبلاوى كتيره شفناها وعشناها أجيال متعاقبه ولما تحصل ثوره ونعلن تغيير يبقى من المنطقى والمعقول والمقبول أيضا نشوف ونلاقى تغيير مش مجرد كلام والسلام !

اللى أنا شايفوا لغاية دلوقتي كمواطن مش مبشر بالخير في جمهورية الباجور واللى كانت لغاية وقت قريب مش تابعه خالص لجمهورية مصر العربيه بالعكس كانت تتبع شخص ومعاه ( حاشيه !!!!!!!!!!!!! )

أنا مواطن مصري وبعترف إن زي ما عليا واجبات أكيد ليا حقوق وبما إن ليا حقوق من حقي أشوف تغييرات حصلت على الأرض وأشوف القانون المصري العادل يعرفنا أو لو حد متخصص قانوني قرأ كلماتي ياريت يدلني أو يعرفني على جواب للسؤالين دول :

هل برحيل وزير أو مسؤل سابق تسقط عنه المحاسبه ؟

وهل أملاك الشعب والدوله تعتبر ورث أو تكيه لوزير سابق أو ورثته ؟

ياريت

بكرر ياريت

وهكرر ياريت

شبعنا إستخفاف بينا وبعقولنا سنين طويله عايزين دولة عدل دولة حريه دولة مساواه في الحقوق والواجبات دولة رقابه ومحاسبه وكل واحد ياخد حقوا تحت مظلة القانون ..

ولا إحنا بندعوا لرجوع أموال مصر ولكن ؟؟؟؟؟؟؟؟

وياريت السيد مسئول المنتدى المحترم مش يغير إسم كتبتوا لأني كتبت ومش وجهت إتهام إنما هي أسئله موجهه مش شكوك ولا إتهامات ياريت يا أخ أحمد تسيب موضوعي زي ما هو وكفايه عيشنا سنين طويله كنا بنشوف الفساد والبلاوي المنيله بستين ألف نيله ونعمل إننا عمي ومش شايفين خلاص الزمن دا مات وإنتهى ومش هيرجع تاني وبكرر ياريت تسيب موضوعي زى ما هو كده خصوصا الموضوع دا لأن في ملفات لازم تتفح وأعتقد ومن وجهة نظري المتواضعه مفيش مواطن مهما كان فوق القانون وأعتقد بردوا مفيش مخلوق أهم من مصر وصالح مصر مهما كان ..