نداء هام جدا إلى محافظ المنوفيه

السيد الفاضل المحترم / محافظ المنوفيه
بعد التحيه
قامت ثورة 25 يناير بسبب الظلم والفساد والطغيان من حكومه كامله فاشله وفاسده والحمد لله نجحت الثوره واليوم تحدث تغييرات بفضل المجلس الأعلى للقوات المسلحه ولكن :
هل الباجور منوفيه ليست تابعه لجمهورية مصر العربيه ؟
السيد رئيس مجلس مدينة الباجور لماذا حتى الآن له إستراحه واسعه وشاسعه وعلي أي أساس تكون هذه الإستراحه في حين أننا جيل كامل لايجد شقه مستقله له وهذه الإستراحه الواسعه والشاسعه مازالت شاهده على عصر فساد ؟
هل الباجور منوفيه مازالت فى معزل عن التغيير ؟
هل سيادة معالي جناب رئيس مجلس مدينة الباجور يتعب كثيرا لدرجة أن تكون له إستراحه على مساحه واسعه وشاسعه وكبيره ونحن أجيال لا نمتلك أصلا شقه ولو صغيره ؟
هل قطعة الأرض الكبيره جدا والمستفزه بمنظرها أصبحت ملكيه لراحة معالي رئيس مجلس المدينه ومش مهم ناس مش لاقيين حتى غرفه واحده ملك ؟
لماذا لا يكون له شقه مستقله إن كان ذلك قانون لراحة السيد الباشا رئيس مجلس المدينه واللي واضح انوا بيتعب جدا لدرجة يتعمل لسيادتوا استراحه على ملعب ؟
ياناس حرام عليكم وراعبوا ربنا فينا يخرب بيت كده هو احنا هنا مش تبع العالم ؟
هي الثوره دي مش قامت علشان فساد وترهل وبلاوي سوده منيله بستين ألف نيله ولغاية دلوقتي الباجور في معزل عن كل دا ؟
ياسيادة المحافظ الفاضل ليه لغاية دلوقتى كمان في قطعة أرض كانت حديقه ومتنفس ومتنزه للناس على ترعة الباجوريه خصوصا في موسم الصيف يقوم الباشا الفاضل طبعا بحكم انو كان نايب وكمان مسئول مهم فى مصر كمال الشاذلى يقوم بوضع إيدوا عليها وتحديد أسوار ليها ومش بس كده لا عمل غرفه فيها كمان في منظر بجد مستفز بيدل على إن البلد دي ماشيه بركاوى وبيومى وأحمدى ؟
فين مسئولين الري عن دا ؟
لابد هدم الأسوار دي فورا لأن حدود البحر أو مايسمى حرم البحر أو مهما كان الإسم مش دا المهم ملكيه حكوميه يعنى مال عام يعنى حق الشعب إذاي بقى يكون حق شعب ويقوم واحد بحكم إنوا كان نايب بوضع إيدوا عليها وعمل أسوار حديد وكمان بناء غرفه فيها !!!!!!!!!!!!!!!!!!!!!
هو إحنا هنفضل فى الفساد لغاية إمتى ؟
هو سيادتك ياسيادة المحافظ مش المفترض تشوف أحوالنا وتتابعها ولا سموك ماشى برضوا بسياسة الورقه والقلم وعلى طريقة كلوا تمام ياريس ؟
انا عايز أعرف بيتعب فى ايه رئيس مجلس مدينة الباجور عشان يتعمل لوا استراحه مش متوفره أصلا للمأمور ؟
أنا بجد عايز أفهم هو كمال الشاذلى حتى وهو ميت مازال بيخوف وبيرعب الساده الأفاضل المسئولين عننا ؟
ياجماعه راعوا الشعب شويه
راعوا ربنا فى شغلكم
انتم هتتحاسبوا علينا يوم الحق
لا رئيس مجلس المدينه فوق القانون ولا كمال الشاذلى أكبر من الحق
أنا مش فاهم في إيه بالظبط ؟
ارحمونا ربنا يرحمكم
اتقوا ربنا شويه فى شغلكم وفينا
حراااااااااااااااااااااام
فى ثوره حصلت ياسيادة محافظ المنوفيه ولا هو فخامتك مالكشي دعوه ولا في ايه بالظبط
انا عايز أفهم
وانت ياعم احمد وبكرر
لو سمحت
لو سمحت
لو سمحت
خلينى أصرخ ضد أم الفساد والظلم دا
احنا تعبنا سرقه وفساد ونهب خيرات البلد والمحافظ مالوش دعوه راجل فى حالوا وكان الباجور منوفيه مالهاش دعوه بفخامتوا
ياجماعه أنا مش فاهم هو لسه الناس دى فاكرين ان النظام القديم موجود ولا فى ايه بالظبط ؟
ياسيادة محافظ المنوفيه
انا لو سيادتك مش اتصرفت واتحركت وكمواطن وليا حق فى البلد دى احنا شبعنا عطاء للبلد وماخدناش اى حاجه لو مش سيادتك اتحركت وحاسبت وغيرت الاوضاع دى أنا هصور الموضوع دا وهرفعوا للمجلس الأعلى للقوات المسلحه ومش بس كده هتلاقى فى مظاهرات بتطلب بخلعك من المحافظه احنا مش عايزين محافظين بسياسة وطريقة كلوا تمام
لا خلاص الزمن دا انتهى والشعب فاق من الخوف والشلل الفكري
وانا هنتظر قراراتك