الثوره قامت علشان نرجع تاني مصر

من طرف ياسر عبد الباقي الأحد مارس 20, 2011 2:18 pm

بيسألوني إيه هويتك
قلت مصري
رفعوا إيديهم بالتحيه
بسرعه دوغري
إنت مصري
قلت مصري
وإبن مصري
ودمي مصري
بيسألوني الثوره ليه ؟
قلت ظلم
وهم
وغم
وقتل
ونهب
وسلب
ودم
وفساد لا حصر ليه !!!!!
الثوره قامت لكل تمحي إحتلالنا منا فينا
الثوره قامت لكن تكسر حاجز الخوف
اللي كان مالينا
الثوره قامت طهرت
قيود إيدينا
وضلام عنينا
الثوره قامت لجل حق الشعب يرجع
تاني لينا
الثوره قامت في نفس شهر ميلاد الرسول
قامت بفضل الله تحقق عدل وحياه
قامت عشان تكسر سيوف الظلم
حتى منتهاه
قامت الثوره عشان
ترجع قيمة الإنسان
ترجع نخوة الإنسان
قبل الثوره
كنا بقايا أشبه بالصخور
كان شعارهم ظلمنا حتى الفجور
كان شعارهم غشنا ضلمه بنور
كان شعارهم قمعنا بكل الشرور
كان شعارهم خوف وبس
وألف يئس
وبلطجه ومصير مجهول
الثوره قامت عشان ترجع كل أموال الغلابه
م الديابه
أصلهم كانوا عصابه
علمونا نخاف نوطي نغمض عنينا
لجل ما تفوت السحابه
علمونا الخضوع ويا الركوع
في القرايه والكتابه
علمنا نقول : صح
وإحنا أحوالنا سواد
علمونا لما نركع
نبوس كمان إيد الجلاد
ولجل ما يعيش النظام
كنا نموت
كنا بنفقع مع صمتنا ميت ألف صوت
كنا بنصرخ لوحدنا
ونخاف يسمعونا
كنا بنخاف خوفنا
يمكن يعرفونا
الثوره قامت بعد طغيان النظام
لما فسد كل الحياه بمكر الئام
لما علمونا نقول : كلوا تمام كلوا تمام
الثوره قامت لجل مش تطرد نظام
ترفض مدام
السيده الأولى
اللى كانت تتمخطر في مصر
كالرسوله
اللي كانت حاكمه مصر
واللي وصلت البلاد
لهموم كتير دون أي حصر
الثوره قامت لجلنا
علشان نرجع تاني مصر
علشان نرجع تاني مصر
تحميل اجمل الصور النادرة والجميلة

شاهد اهم الاخبار للدول العربية

شاهد اهم اخبار مصر بعد سجن الثلاثى المرح

الثورات الشعبية حركة التغيير العربية

‏تحميل اجمل الفديوهات النادرة من هنا

اجمل الالعاب الحديثة والشيقة

اجمل المواضيع القوية والنادرة

شاهد الأفلام و النجوم في مكان واحد

إقرأ الآن أخر مستجدات العالم لا تفوت شيء أي خبر على مدار الساعة

تحميل اقوى متصفح opera

أحصل على وصول أسرع لGoogle و استمتع بالإنترنت