من هتافات التحرير

يهتف الشعب المصري الذي ثار على النظام المصري برئاسة حسني مبارك بعدد من الهتافات التي كان منها الآتي:

يا سوزان قولي للبيه... ربع قرن كفاية عليه

يا سوزان قولي للبيه... كيلو العدس بعشرة جنيه

ياجمال قل لبوك ... شعب مصر بيكرهوك

هو مبارك عايز ايه … عايز الشعب يبوس رجليه

قول يا زين قول لمبارك.. السعودية في إنتظارك

بكرة نقول كان قهر وعدى.. لما مبارك يرحل جدة

شيلوا مبارك وحطوا خروف … يمكن يحكم بالمعروف

قول يامحمد قول يا يونس.. بكره مصر تحصل تونس

السعودية مش بعيد .... بتلم الخونة والعبيد

يامبارك بره بره ....عايزين مصر تبقى حره

ارحل ارحل يافرعون ... دي رغبة 80 مليون

يا مبارك ياخسيس ... دم المصري مش رخيص

ياحرية فينك فينك ... حسنى مبارك بيننا وبينك

حسنى بيه يا حسنى بيه قولى محاصر غزه ليه؟

غلو السكر غلو الزيت... بكرة نبيع عفش البيت

مصر وتونس ضي العين .. والحكام يغوروا الاتنين

آه يا حكومة هشك بشك ... بكرة الشعب المصري يكشك

باعوا الدولة وباعوا الغاز ...دول عاوزين الولعة بجاز

هما بياكلوا حمام وبط ...وكل الشعب جاله الضغط