مبارك يتهم الشعب

أهذه هي الإقامه الجبريه بأن أرى رئيس مخلوع مطرود هناك جيوشا من الجرائم منسوبه إليه ويتكلم من خلال قناة إعلام ليست مصريه ؟

أهذه هي الإقامه الجبريه ؟

لا أعرف من يضحك على من ؟

لا أعرف هل بالفعل الثوره تحتضر أم إحتضرت فعلا ؟

لا أرى أمل في التغيير

لا أرى عداله صادقه

لا أرى شفافيه واضحه

التصريحات متضاربه والأقوال غريبه والأرقام مخيفه والنهايه = صفر !

الشعب يصرخ

الشعب يئن

الشعب يحتضر

الظلم كما هو

الفساد ما زالت فلوله وبقوه أكبر

العداله ما زالت بطيئه ومريبه وغريبه

الأحوال في تدهور مستمر وصعب

القادم أصبح مجهول وغامض ويصعب التكهن به

عندما يكون رئيس دوله تم خلعه أو طرده من الحكم ويقولون أنه رهت إقامه جبريه ويظهر خلال قناه عربيه وليست مصريه ويتكلم بطريقه مستفزه متكبره بل ويوعد ويتوعد تكون هذه بجاحه أقرب للوقاحه ولكنه له حق لأن الأموال تهربت والأوراق تظبطط والدنيا خلاص إتعدلت ويمكن الأدله إتحرقت كمان زي أوراق أمن الدوله وسلمولي على النائب العام والعدل والعداله والقانون المصري !

يا إخواننا إحنا بالشكل دا بنرجع لورى وفي أمور كده مش واضحه ويمكن لو وضحت تخلينا نعرف بالدليل إن في حاجات مش مفهومه !

أنا مش عارف في ايه ؟

على كده بقى الثوره شكرا

والشهدء شكرا

والعداله شكرا

والحق شكرا

أصل لما يكون رئيس مخلوع ومطرود ومعروف كميات وأحجام الفساد والبلاوي وهو بصفتوا الرئيس رقم واحد يعني لازم يتحاسب ويخرج ويهل ويطل علينا بطلتوا البهيه وإسلوبوا بتاع ( لله يا محسنين ) ويحاول يخدع شعب تاني ومش بس كده لا دا بيوعد ويتوعد ويهدد كمان .

يا أخي فعلا البجاحه ليها ناسها

والوقاحه ليها أهلها

ويعملوها ويخيلوا فعلا

ما انت فلوسك سافرت

ونظمت ورقك

وسكتوا عليك

وخربتها إنت ومراتك والمحروس إبنك وقعدت على تلها

إنت مكروه من الحجر قبل البشر

إنت مكروه من كل ما هو مصري

إنت رخصت كل ما هو مصري

إنت في سلة التاريخ

صدقني إنت الرئيس الثاني بعد بوس الإبن في سلة التاريخ لأنكم وجهان لعمله واحده غشاشه ومخادعه ومزيفه

إنت لسه عندك شجاعه وفاكر روحك صاحب حق

يا سلام على مواهبك

تصدق إنك فعلا ممثل عبقري أقوي من محمود عبد العزيز وأكبر من نور الشريف وفعلا لو تاخد بنصيحتي بس لو قدرت تفلت من حبل المشنقه اللي لو في عدل يكون حوالين رقبتك 30 مليون مره لو قدرت تفلت نصيحه إشتغل ممثل هتكون فنان شاطر وهييجي منك ع الأقل تكون وظيفه مناسبه لإسلوبك دا !

إنت مش عايز تحس بالشعب

هو إنت خلاص فقدت قدرت الإحساس

إنت لو في أي بلد غربي كانوا حكموا عليك بالإعدام عدد البشر والحجر والشجر اللي في نفس البلد إنما لأنك في بلد ماشيه بالبركه ليك حق تتصرف كده وتعمل كده وشكلي بكره هقرأ في الجرايد الآتي :

الرئيس يتهم الشعب بسرقة أراضيه

الرئيس يتهم الشعب بسرقة أموالوا

الرئيس يتهم الشعب بإعتقال حريتوا

الرئيس يتهم الشعب الظالم الغاشم الهمجي المعتدي بأنوا فسد كل المناخات السياسيه والإقتصاديه والإنسانيه والأخلاقيه في البلاد

دا اللي فاضل إن في أي وقت ألاقي إتهام من رئيس مخلوع ومطرود ضد شعب شاف على إيديه الملوثه كل أنواع وأشكال الظلم ..

يا عالم فين العدل

يا عالم فين العداله

يا عالم راعوا ربنا

يا عالم الشعب بيصرخ وبيفرفر وبيطلع في الروح والراجل دا شكلوا خلاص مستواه الفكري وقف عند لحظات معينه !

بجد مش عارف أقول إيه

يا أخي حسبي الله ونعم الوكيل فيك يا حسني إنت وكل فاسد وظالم وهمجي ومعتدي وحرامي وقاتل ومنافق ومزور

والله حسبي الله ونعم الوكيل فيك

بس خلاص