ياحكام العرب عيب

نشرت بتاريخ - السبت,06 اغسطس , 2011 -21:05 نشرت صحيفة الدارالكويتية خبر يعد مفاجاة من العيار الثقيل حيث نشرت ان المجلس الاعلى للقوات المسلحة يتلاقي ضغط شديد من قبل الحكام العرب على راسهم ملك السعودية عبدالله بن عبدالعزيز حيث هددوا الحكام العرب بمقاطعة القاهرة وسحب الاستثمارات من مصر وتسريح العمالة الاجنبية من الخليج وذلك فى حاله محاكمة الرئيس السابق محمد حسنى مبارك . ونشرت الصحيفة ان هناك مصادر قضائية مصرية اكدت انه من الصعب جدا استدعاء مبارك وتقديمه لاي محاكمة هو ونجليه وزوجته وذلك بسبب الضغوط الشديدة والتهديدات المباشرة من قبل دول الخليج الذين هدوا بتجميد العلاقات مع مصر فى حال تقديم مبارك الى المحاكمة . وعلى رأس هذه الدول كانت السعودية والامارات والاردن وعمان والذين حرصوا على ارسال مبعوثين ووزراء خارجية رئيس المجلس الاعلى للقوات المسلحة المشير حسين طنطاوي . وكانت حجة السعودية والامارات ان مبارك قدم الكثير من العون فى حرب الخليج عام 1991 وساعد على استقرار البلاد والمنطقة الخليجية لسنوات عديدة . وقال الحكام العرب ان اهانه مبارك امر مشين ومعيب واعتبروها اهانه لجميع الحكام العرب الحاليين او السابقين ولا يصح ان تتم محاكمته مهما كانت الضغوط الشعبيه او الداخلية وكان هذا مطلب ملك السعودية عبدالله بن عبدالعزيز . وقد اعلن الملك عبدالعزيز استعداده لاستضافة الرئيس السابق حسني مبارك وعائلته للاقامه بشكل كامل فى السعودية ومنحهم الجنسية السعودية كجنسية ثانية كنوع من الحماية لمبارك لعدم محاكمته او اهانته من قبل الشعب المصرى

الرد الخاص بيا على أفاضل الدول العربيه :

طبيعي ترفضوا ان الطاغيه يتحاكم وليه لأ ما انتم كمان على شاكلتوا ويهمكم عدم محاكمتوا علشان مش تكون دليل تاريخي عليكم وتلاقوا شعوبكم المكبوته والمقهوره تعمل زي مصر !

أعتقد ومن باب الذوق دا شأن مصري داخلي ولا من حق السعوديه أو غيرها يتحكموا في زمام أمور مصر لأن دا شأن داخلي وعيب ينسوا أو يتناسوا تاريخهم وهما عارفين نفسهم كويس جدا .

كمان ربنا سبحانه وتعالى أمر المسلمين بالقصاص ولا خلاص إنتم نسيتم ربنا دا كان حاكم وراعي يعنى مسؤل ويوم الثوره لو فرضنا جدلا ودا أمر مستحيل طبعا انوا برئ من كل حاجه طيب ودم الشهداء العزل يا سعوديه ياللي بقيتى تتكلمي دلوقتي وصوتك علي انتى والامارات والكويت اللي يوم ما دخلها جيشنا المصري البطل قبل التوقيت المحدد له ب 18 ساعه دلوقتى انتى كمان ياكويت بقى ليكى صوت !

سبحان من يغير ولا يتغير

وللعلم

الطاغيه دا هيتحاكم هيتحاكم عندنا هنا ثوره للحريه للعداله للمساواه ومش هنرجع للخلف تانى لأن مصر مستحيل تكون سعوديه ومملكه أو اماراتيه ومشيخه لعائله واحده للأبد ولا مملكه على شاكلة الكويت ..

لازم كل دول العرب تفهم وتعرف كويس قدرها لما تتكلم عن شعب مصر تتكلم بقواعد صح وبمنطق عادل ومحترم ومش عايزين تدخل في شؤن تخصنا لأن دا عيب وقلة ذوق ..

قدر مصر انها بيكم ومن غيركم هتفضل كبيره وهتفضل زعيمه وان كان دلوقتي عندنا شوية أمور مش مظبوطه التاريخ قال إن شعب مصر واعي وبيعرف كويس يتعامل مع أي أزمات إنما علشان تسمحوا لنفسكم تتكلموا عن 86 مليون مصري أرد وأقول لكم عيب حاولوا تخليكم فى حالكم والكلام مش موجه طبعا لشعوب الدول دي ولكن لحكامها واللي طبعا وفى المقام الأول يهمهم عدم محاكمة الفاسد الطاغيه علشان تفضل عروشهم وتكبر كروشهم !

ممنوع على أي دوله مهما كان شأنها التدخل في أمور مصر الداخليه لأن دا تدخل أحمق وجهول وغبي بيدل على ضعف سياسي وغباء فكري وعدم وعي بالأمور والحاكم اللي على رأسوا ( بطحه ) طبيعي يخاف ويرفض محاكمة الطاغيه وليه لأ ما هو كمان شاكلوا وعلى شاكلتوا ..

يا حكام الدول اللي رافضه محاكمة الفرعون عيييييييييييب وعيب عليكم تتكلموا علينا أو تفرضوا شئ مرفوض أًصلا قلبا وقالبا والطاغيه دا زي ما قلت هيتحاكم ولا مفر ..

أما عن قطع العلاقات شعب مصر مش هيموت يا سعوديه ياللى في حفر الباطن قاعده أمريكيه بتحميكم مش عيب ويا كويت ياللى في قواعد خلاص احتلتكم ويوم ما اتحررتم نسبتم كل الفضل لبوش ولأمريكا ونسيتم الجيش المصري وفضلوا بعد ربنا طبعا عليكم .

عيب عليكم دي مصر وهتفضل كبيره بيكم ومن غيركم وقبلتم أو رفضتم وأنا عن نفسي هعتبر أي حاكم في العالم يرفض العداله والقصاص الرباني هعتبروا مرتد بإختصار ( كافر )

لأن القرآن الكريم قال : من قتل نفسا بغير حق فكأنما قتل الناس جميعا

وكمان قال : وما ظلمناهم ولكن كانوا أنفسهم يظلمون

يبقى لما ربنا سبحانه وتعالى يقول كده مش عايزين نسمع أي صوت أحمق وغبي ومتخلف وجاهل ومش فاهم أي شئ انوا يفرض شروط على مصر لا مصر محتاجه وصاية حد ولا مصر دوله صغيره ولا مصر بتقبل أصلا أي تدخل من أي دوله مهما كانت ولموا نفسكم علشان عييييييييييييييييييييييييييييييييييييب

فاهمين ولاااااااااااااااااا

يارب تكونوا بتعرفوا تفهموا أصلا

مواطن من شعب مصر