ثورة العرب

[center]
فوق كل صفحات الكتب
صرخات غضب

تبكى على موت السلام
تبكى بخوف ويا إنهزام
تصرخ لغات كل الكلام
فين العرب

يا قدس يا مهد المسيح
قلب الوطن مهزوم جريح
بغداد بتبكى ويا بيروت والسودان
والحق ليه فى وطن دا دايما ذبيح
إمتى ألاقى صف عربى يكون صريح
بالقوه والتوحيد ومش خوف أو شجب

يا جند مصر يا بواسل يا أسود
إنتوا الأمان طول الزمان وإنتوا الصمود
عاوزين نوحد جيش عرب
يحمى ف أرضى ويا عرضى والحدود
أنا نفسى نمحى من الوجود خوف العرب
ونعود تاريخ وحضاره مع فكر وأدب