سوزان مبارك : العادلي مجرم وزوجي كان فريسة لعصابة اشرار

تسبب ما نقلته محطات فضائية عن امتلاك سوزان مبارك شرائط فيديو فاضحة لحكام وأمراء في دخولها في حالة نفسية سيئة خاصة أن شقيقها منير ثابت قد نفي بشكل جدي صحة هذه الاتهامات. وينتظر أن تغادر سوزان مبارك مصر بعد ما تسفر عنه محاكمة زوجها الرئيس المخلوع ونجليها لتعيش بمقاطعة ويلز الانجليزية. وتنتقل سوزان حاليا بين منزل شقيقها منير ثابت في القاهرة والمركز الطبي العالمي علي طريق مصر - الإسماعيلية لمتابعة زوجها مبارك وتحرص علي الصلاة في وقتها وقراءة القرآن والدعاء لزوجها ونجليها. وقالت مصادر مقربة من أسرة الرئيس المخلوع إن زوجته عادت لتلوم عليه بقاءه في السلطة لمدة 30 سنة رغم دعمها الكامل لتوريث ابنها جمال السلطة. وقالت سوزان إن زوجها وولديها وقعوا فريسة لجموعة من الاشرار قضت علي كل تاريخهم، برغم أنهم عائلة عادية منذ بداية حكم مبارك إلي أن التف المقربون بالقصر حول زوجها وورطوهم علي مدي سنين طويلة. واتهمت حبيب العادلي بأنه المجرم الحقيقي في قتل المتظاهرين وكان يصور لهم الأحداث علي أن مصر تواجه هجمة من البلطجية واللصوص حيث إنها تشعر بالحزن الذي تشعر به كل سيدة في مصر فقدت غالياً عليها وانها كانت ستفعل أكثر منهن إذا تعرضت لما تعرضوا إليه. وقالت: إنها حذرت زوجها عدة مرات من تغول العادلي في السلطة لكنه كان يثق في كل من عمل معه كما اثبتت الأيام.

كل الكلام دا لو فرضنا جدلا انوا مش فرقعه والسلام وحقيقه يخلينى أرد على السيده الأولى سابقا واللي كانت بتتمخطر شكل الغزاله في كل مكان في مصر واللي كانت في يوم فاكره مصر تكيه أو عزبه واللي كانت برضوا لو فاكرين صاحبة فكرة التوريث اللي كانت شرارة خلع الرئيس المخلوع واللي واضح جدا إنها كانت قويه وحازمه عليه وصوتها أعلى منه وإلا لما كان وصل للي وصل له دلوقتي ..
ياسيده سوزان :
ومين نهب أرض مصر ؟
مين سلب أموال مصر ؟
مين فسد كل المناخ السياسي في مصر ؟
مين هرب أموال مصر خارج مصر ؟
مين كان في يوم بيملا معتقلات وسجون مصر ؟
مين كان بيستبيح حرمات وأعراض مصر ؟
مين كان عامل قانون الطوارئ في مصر ؟
مين وصل شعب مصر لكل حالات الفقر والمرض والخوف والكبت والرعب ؟
ياترى وقتها المحروس جوزك كانت فين عيونوا ؟
وياترى لو زى ما بتقولى حضرتك لو انتى فعلا وفيه أوي كده مش كنتى بتشوفى أو بتسمعى أبدا ؟
معقول انتى وجوزك وولادك الاتنين كنتم فى معزل بعيد عن شعب مصر والأهوال اللي عايش فيها ؟
عموما مفيش قدامنا غير الانتظار لحين نتيجة المحاكمات بس أنا مستغرب من حاجه برغم ان الرئيس المخلوع دا مسؤل بصفته وطبيعي يتحاسب ومفيش حد فوق القانون بس ياترى فين باقي حاشيتوا فين حكومة نظيف اللب خصخصت وباعت البلد ومصت دم الشعب وباعت الارض ؟
معقول كل جرايم مصر يتحاسب عليها شخص واحد والباقي يزوغوا أو يخرجوا من ثغرات القانون ؟
مش عارف