الحنين الى اللحمه

يالحمه ياغاليه ومعروضه فى المحل
والله الفول تعبنا عاوزين نشوف له حل
ياتاج الطعام
بهديكى السلام
وبعدك شئ حرام
الفول خلاها خل

عشاقك يالحمه دابوا من الغياب
ويا الفول غلابه تاهوا فى العذاب
حنى يا لحمه ليهم لو حتى كل شهر
الفول والفلافل خلوا الحاله قهر
ويا الصبر عشنا واتبهدلنا صبر
من بعدك يا لحمه كل العيشه زل

يافول حل عنا مش صبح ومش مسا
اللحمه برضوا يعنى أفضل وكويسه
هو انت بقيت نصيبنا
نلاقيك حتى ف جيوبنا
ياعم إرحل تعبنا
بجد الكل مل ..