الجيش فوق مستوى الشبهات

فى إشاعات بتقول : إن الجيش إعتدى على بعض المواطنين في مصر !
وأنا كمواطن مصري ليا حق الرد مش دفاعا عن الجيش إنما لأن لازم كل واحد ياخد حقوا ..
مش جيش مصر أبدا اللي يكون ضد الشعب وعيب ..
مش جيش مصر أبدا اللي أيد الثوره إنوا يكون بالحماقه دي وآسف في الوصف ..
مش جيش مصر أبدا اللي ممكن يكون ضد الحريه أو الشرعيه ..
مش جيش مصر أبدا اللي ممكن يكون قوة هدم أو تخويف ..
مش جيش مصر أبدا اللي ينزل لمستوى الشبهات ..
مش جيش مصر اللي وقف ويا الشباب وويا الشعب وويا الثوره اللي يكون كده ..
مش جيش مصر اللي إعترف بشرعية الثوره يعمل كده ..
مش جيش مصر أبدا اللي حيا كل الشهداء يكون كده ..
مش جيش مصر أبدا اللي يتصرف تصرفات غير محسوبه ..
هتفضل مصر فوق الهدم ..
بكرر
وهكرر
وهكرر
هتفضل مصر فوق الهدم
وضد الإشاعات وكلنا وحده واحده
كلنا شعب وجيش وجيش وشعب كلنا دلوقتى على حب مصر ولصالح حب مصر كانت الثوره شغاله والإخوه المسيحيين الكرام بيحموا إخواتهم المسلمين وقت الصلاه في مشهد أتحدى بيه العالم كلوا إن الشعب دا حد يفسد قوة توحدوا مهما كان ومهما حصل ..
حصلت الثوره حد شاف كنيسه إتهدت ؟
حد شاف مسجد إتلمس ؟
حد شاف دا أو دا ؟
عشان دي مصر وبكرر وحده واحده ومستحيل إن جيشنا يكون كده أبدا أبدا دا كلام غير محسوب وإشاعات هدامه وأنا ضددها وهفضل ضدها وضد كل شئ يمس أمن وسلامة الوطن والمواطن ..
عيب ياللي بتخترعوا خرافات وإشاعات وخزعبلات جيش مصر طول عمروا وهيفضل سيف الحق والعدل والأمان والحريه والكرامه وطول عمرنا كمصريين بنحب الجيش ومع الجيش وطول العمر الجيش مع الشعب وويا الشعب وحصل التوحد لأعلا درجاتوا أيام الثوره وللآن ..
مين من مصلحتوا الهدم دا ؟
وفي الوقت دا ؟
في ناس عايزه تهدم وتصطاد في المياه العكره ؟
في ناس عايزه تخرب وتفسد وتدمر مين هما ؟
الجيش والشعب والشعب والجيش دايما وأبدا وحده واحده
وبكرر تاني هيفضل الشعب والجيش وحده واحده متماسكه ومترابطه ليوم الدين ومش هنصدق الخونه اللي بيدوا على أي ثغره عشان يدمروا علاقة الترابط دي وزي ما كتبت وطالبت الجيش بتنفيذ مطالب الثوره هكتب بردوا عشان أرد الحق للجيش دون هدف ولا مصلحه خاصه غير توحد الشعب بكل فئاته جيش وشعب مسلمين ومسيحيين كلنا دلوقتى مصر ولما نقول مصر يبقى صعب أوي حد يحاول يغير دا لأن جيش مصر وشعب مصر أكبر بكتير من المهاترات والإشاعات ..
حما الله مصر ..
وسدد الله خطى جيش مصر ..
ويارب وحده واحده ليوم الدين ..
وتحيا مصر

[youtube]