كمال الشاذلي وسوق الباجور القديم

[center]

كم كنت أتمنى في هذه الأيام ومابعد الثوره وجود نايب الباجور القديم كمال الشاذلي
ليرى علو أصوات الحريه ترفرف في كل ربوع وأرجاء جمهورية مصر العربيه الحره
ولكنها الأقدار ..
منذ سنوات ونظرا لأن موضع مكان سوق الباجور هو مدخل طريق مؤدي لفيلا كمال الشاذلي وطبعا هو يريد فراغ الشارع ونظافة الشارع بحجة أن مكان هذا السوق يسبب إنتشار القمامه !
بالفعل وتحت جبروت السلطه وعلى طريقة ( مدد وخد راحتك ) في ما كان يسمى سابقا بالجمهوريه الباجوريه الشاذليه تم نقل السوق وتم خراب بيوت كتيره حوالين السوق وتم غلق محلات كتيره بردوا اصحابها لا يمتلكوا حتى قوت وجبه واحده ..
ولكن لا يهم الناس ولا يهم ظروفهم ولا يهم حتى موتهم فالأهم هو راحة بال معالي الوزير وملعون أبو الغلابه وطظ فيهم !
إنتقل السوق فعلا ولمكان أسوء وأخطر وأشد خطوره على البائعين وعلى رواد السوق ولكن وإيه يعنى كل واحده تخلي بالها وكل بائع يختار مكان كويس وكده ولا كده كل تغيير وله عواقب !
الناس وحرق دم الناس وتعب الناس وخراب بيوت وغلق محلات أرزاق الغلابه مش مهم خالص آهو على الأقل الشعب يخف شويه لو مات شويه منوا والزحمه تقل المهم طبعا في التوقيت دا هو مزاج النايب القديم وأقدم نايب في العالم وطباخ الحزن الوطني الفاشل المخلوع ..
الأهم طبعا مزاج كمال باشا اللي الغلابه عملوا ووصلوه لفوق وهو بقدرة قادر نسي كل دا زي ما كان بينسى حاجات كتيره أوي أوي أوي !!!!!!!!
السوق إنتقل للمكان اللي حددوا فخامة سمو جلالة عظمة سيادة كمال باشا الشاذلي عين أعيان جمهورية مصر العربيه ومليون داهيه للغلابه وأرزاق الغلابه الأهم مزاج كال باشا والأهم كمان كاوتش عربية سيادتوا مش يتوسخ لما يمر على بقايا السوق لأنوا عيب إن كاوتش عربية كمال باشا الشاذلي تتوسخ إنما لو الناس جاعوا وإتخربت بيوتهم وإتحرق دمهم وإتقفلت محلاتهم كل دي أمور عاديه ومش مهمه ..
ورحل كمال الشاذلي ووقعت الأسوار اللي كان قافل بيها بداية ونهاية الشارع ..
رحل كمال الشاذلي بكل اللي عملوا ..
رحل كمال الشاذلي صاحب نظرية ( مدد وخد راحتك !!!! )
رحل كمال الشاذلي والبقاء لله وحده ويارب الكل يتعظ ..
النهارده تأكد الخبر وتم الإعلان وهو : عودة السوق لمكانوا القديم تاني ودي بشرة خير وعودة الحقوق لإصحابها عشان الغلابه فعلا يستحقوا كل الخير ..
رجع السوق تاني لموقعوا ( المأمون )
مليون مبروك للباجور
مليون مبروك لغلابة الباجور
مليون مبروك لكل أهالينا الطيبين