حرية الكوسه

ذهــب اللـيل طلع الفـجر و الحشاش عمررر
شاف الجوزة قالها شدى قالتله كركر
مــامــا قالتله سيب الجوزة و خليها فى حالــها
ساب مدرسته و رمى كرسته و راح شد نفاسها
راحــت الجـــوزة ملهلبه زورو لما شرب منها
و آدى جــزاء اللى ما يديش ماما نفس منها

ندر عليـــا لاجيلكم واولـع فحــمة من فحمه
لحـــد القـــرش و نص ما يخلص و نحـــشش لحمة
مى مى مسطول و سعاد مسطوله و مشمش مصاحبهم
و كوكو بكـرة هـيـبـقى ظـــــابط و يطـــلع عينهم .

خيبه قويه جايه جايه بعد التعديلات
ضحكوا علينا وجات رجلينا خلاص بانت النيات
وحوي كمان أشكال وألوان على ديا إشتغلات
شعبنا طيب آه ومؤدب ما بيقبل صدمات

شعبنا نونو وصغنونوا جايبين لوا الإخوان
علشان تكمل مسرحيه شعارها البهلوان
بقوا أبطال في الحال يا ولاد هنا مع كل أدان
هنشوفهم على طول طوالى لا وف كل مكان

وانت ياعم سحس ياغالي أكلني بليله
مع كشرى وفاصوليا وكوسه وأعمل هوليله
طظ فى حرياتنا خلاص الحاله بقت نيله
واللى هيفتح صوتوا جمهر تأبيده طويله

هات لى ياعم خزنبل قربه واملاها سبانخ
شعبنا أصلوا حليوه وطيب م الأحوال دايخ
صبح مشاكل ضهر مشاكل وموافق راضخ
ياسلام سلم ع الحريه وشعارها الناصح

وانتى ياستى ستيته تعالى ادينى كام لطمه
الاخوان يا ستيته خلاص هيخلوها عتمه
شوفي ياست ستيته كلامهم تفانين مع حكمه
عينى ياعينى ياعينى ياعينى .... معاه لحمه

شفت فانوس سحراوي سألتوا عايز حريه
رد بسرعه وقال يا ابنى دى صعبه شويه
الحريه دى ليها ناس مش ناس همجيه
امشى اتغطى ونام يا قصه والأيام جايه

انت عامل لى مشرف يعنى ومصدعنا كلام
كل يوم تكتب فى مقاله يا حلاوه ياسلام
واسمك قصتى أنا يا حليوه ياللى مش بتنام
دوختنا أشعار وياك مش تهدى وكفايه الإعلام

عايز أركب المراجيح وأرزع لى أنا مليون هزه
وأمشى فى وسط مصر أتمخطر ومعايا المزه
وأكل لحمة وعدس بجبه وعدس بشعريه ورزه
وأفطر رومى اتغدى كباب وأتعشى بوزه

وحوى يا وحوي يا وحوي يا وحوي الحريه بح
اوعى تجمهر او تتمنظر وتقول لى دا صح
تلاقيك بسرعه عسكري ياخدك وانت عامل ناصح
والمحكمه تتشكل دوغرى احسن لك روح

**
تحميل اجمل الصور النادرة والجميلة

شاهد اهم الاخبار للدول العربية

شاهد اهم اخبار مصر بعد سجن الثلاثى المرح

الثورات الشعبية حركة التغيير العربية

‏تحميل اجمل الفديوهات النادرة من هنا

اجمل الالعاب الحديثة والشيقة

اجمل المواضيع القوية والنادرة

شاهد الأفلام و النجوم في مكان واحد

إقرأ الآن أخر مستجدات العالم لا تفوت شيء أي خبر على مدار الساعة

تحميل اقوى متصفح opera

أحصل على وصول أسرع لGoogle و استمتع بالإنترنت