الكوسه ونواب الباجور
صفحة 1 من اصل 1
الكوسه ونواب الباجور
من طرف ياسر عبد الباقي الجمعة فبراير 04, 2011 10:03 pm
هفقع بالصوت الحيانى
هندى ولاوندى وألمانى
الكوسه بقت غاليه علينا
أحيه أحيه أحيه يانى
الكوسه كمان صبحت غاليه
من بعد ما كانت مجانى
أنا كنت زمان ألاقيها كتير
فى الإنتخابات وقت التزوير
ولظابط قسم حليوه كبير
وليه موظف فى التشجير
والأخ النائب والتشخير
ياسلام ياسلام
دا كلام أشعار ولا أغانى
هفقع بالصوت الحيانى
الواد حمدان بن ستيته كان واد فنان
والبت عديله بلا نيله لها وش جنان
ياسلام ع الكدب وتفانينوا فى كل مكان
آخرتها متر فى متر ياعم
وكلوا عبد للرحمن
وهقول تانى
وهعيد تانى
كان فى الباجور راجل مشهور
دخلنى فى يوم أمن الدوله
أل إيه أنا بكتب ضدوا ياناس
وهو لا قوه ولا حوله
كات قرصة ودن عشان أتلم واهى مقاوله
لوكيل نيابه مع ظابط غلبان يانى
وهقول تانى
وهعيد تانى
هفقع بالصوت الحيانى
يامقام فى بلدنا بينور الله يامقام
والبت خديجه كات تولد فيه باستسلام
لأ واللى عايز يتجوز هيكون خدام
أصل المقام مش أى مقام
دا مقام وتمام
أحيه ياباجور على حال مقهور هيعيدوا فيكى الإنتخابات
أل إيه كات باطله الأصوات
ما هو أصل صحيح إزاى تنجح بأصوات أموات !
هما الأموات وسط جداول الترشيحات
قول من تانى
عيد من تانى
سلامات ياباجور على نوابك
هايصين فى لحومك وكبابك
أما الغلبان فيكى ياباجور
تديه كتير وبقبابك
سلامات ياباجور على نوابك
والكوسه غاليه فى أعتابك
ياسر عبد الباقي- الفنان
-
عدد الرسائل : 3304
العمر : 49
تاريخ التسجيل : 02/10/2010
مواضيع مماثلة» تحيه كبيره لشباب الباجور
» حرية الكوسه
» محشي الكوسه
» حبس معاون مباحث الباجور
» من هم نواب الباجور القادمون ؟؟؟؟
» حرية الكوسه
» محشي الكوسه
» حبس معاون مباحث الباجور
» من هم نواب الباجور القادمون ؟؟؟؟
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى